Gazetari investigativ, Leonard Bakillari ka akuzuar moderatorin “Stop”, Saimir Kodrën, për hipokrizi, kur gjatë emisionit të sotëm ka publikuar një video ku shihet oficeri i policisë gjyqësore, Fatos Lushi teksa i marr një qytetari 18 mijë euro në emër të prokurorit Ardian Brahos.
Bakillari e konsideron shfaqje të shëmtuar sjelljen e Kodrës teksa denonconte rastin, pasi ndonëse hiqej sikur nuk e njihte prokurorin, drejtuesi i emisionit ka patur miqësi me të. Madje gazetari shkon më tej kur thotë se prokurori Braho i ka ardhur në ndihmë Saimir Kodrës për të zgjidhur disa probleme, ndërsa bashkë ishin miq.
“Ndoshta nuk i mbaj mend emrat e të gjithë atyre që ju kam bërë nder. Por ata që më kanë bërë ndere, sado të vogla qofshin i mbaj mend edhe në 3 të mengjesit po të më zgjosh. Ndërsa sot pashë njeë shfaqe të shëmtuar, kur drejtuesi i një emisioni gjasme investigativ i lexonte në letër emrin prokurorit duke bërë sikur nuk e mbante mend. Por vetëm pak kohë më parë ai ka shkuar tek ky prokuror dhe i ka kërkuar një nder të cilin në dijeninë time prokuriori ja ka bërë, sigurisht duke mos shkelur ligjin. Madje jo vetem kaq, por ata kanë ruajtur miqësinë dhe shpesh takoheshin. Është hipokrizi e madhe të bësh sikur nuk mban mend një njeriu që deri pak kohë më parë pije kafe. Dhe historia mbyllet me: “Duam të shpetojmë ketë popull”, shkruan Bakillari.
Oficeri i policisë gjyqësore Fatos Lushi është filmuar duke marrë plot 18 mijë euro rryshfet për të hequr sekuestron mbi 120 mijë euro të cilat i ishin transferuar nga jashtë shtetit një qytetari.
Marrë nga Dritare.net
