Goditet një rrjet piraterie televizive në Kosovë

10 të arrestuar. Sekuestrohen kompjutera, Android Box

Në një operacion kundër piraterisë dhe tregtisë televizive, policia e Kosovës arrestoi 10 persona në Prishtinë, Mitrovicë, Pejë, Gjilan dhe Gjakovë.

Pas një hetimi disamujor, u kontrolluan 10 lokale dhe 2 banesa ku u sekuestruan materiale të ndryshme si kompjutera, Android Box, USB e telefona celularë.

Sipas autoriteteve kosovare të dyshuarit me veprimet e tyre kanë përfituar në mënyrë të kundërligjshme duke shitur platforma të kanaleve televizive të njohura si IPTV pa leje dhe pa autorizim paraprak, në shkelje të të drejtës ekskluzive për emetimin e kanaleve televizive.

Marrë nga Tv Klan