Merkato e Tv në streaming po rritet me hapa të mëdha, dhe panorama që po projektohet në horizont është një duel i rendësishëm: të gjithë kundër Netflix. Fillimisht Amazon, më pas Apple, tashmë edhe Google. Gjigandi i Mountain View po përgatitet të hyjë në botën e pasur të video on-demand, duke sfiduar kështu konkurentët e tjerë të fuqishëm.
Sipas burimeve të Bloomberg, shërbimi streaming TV i Google ka tashmë një emër, YouTube Unplugged, për të cilin po punohet prej disa muajsh, me objektivin për ta nxjerrë në treg gjatë vitit 2017. Megjithatë, kompania ka vendosur mos japë deklarata për këtë risi duke vazhduar të qendroj e heshtur përpos lajmeve që po xhirojnë në rrjet këto ditë.
Unplugged do të jetë një shërbim i ngjashëm me platformën Netflix, i disponueshëm në online në streaming si edhe nëpërmjet kabllorit. Gjithmonë sipas burimit të lart përmendur, drejtuesit e YouTube kanë zhvilluar takimet e para me kompani të rendësishme televizive (si Century Fox, Nbc Universal, Cbs), pa nënshkruar ende asnjë marrëveshje për momentin.
Hyrja e Google në tregun e video-on-demand do të sjellë padyshim një revolucion në këtë sektor që vitet e fundit ka njohur një zhvillim ekonomik duke faturuar miliarda dollarë për Netflix. Përballë një konkurence që parashikohet e ashpër midis Google, Apple, Amazon dhe Netflix do të duhet të fitoj më i miri dhe kjo do të përcaktohet nga oferta e përmbajtjeve, çmimeve dhe teknologjisë që secili do të servirë për konsumatorin televiziv.
REKLAMA
REKLAMA
