Masat e ndërmarra ndaj Koronavirusit në Danimarkë u lehtësuan me datë 15 Prill, me hapjen e kopshteve dhe shkollave. Së fundmi një analizë e bërë nga agjencia e sëmundjeve infektive në Danimarkë, Insituti Shtetëror i Serumit, ka treguar se si pasojë e hapjes së institucioneve arsimore është rritur shkalla e infeksionit nga Koronavirusi në vend.
Sipas të dhënave, niveli i riprodhimit i njohur si “R” është rritur nga 0.6 (në mes të Prillit) në 0.9 ditën e djeshme. Me anë të “R” vlerësohet sa është numri mesatar i njerëzve që kapin virusin nga një person i vetëm. Zyrtarët e shëndetësisë shprehen se kur R të shkojë (1.0) virusi mund të përhapet në mënyrë eksponenciale dhe të mbingarkojë sistemin mjekësor.
Danimarka ishte një ndër vendet e para që u izolua nga Koronavirusi dhe vendi i parë jashtë Azisë që ndërmori më pas masat lehtësuese. Në vend numri i përgjithshëm i të infektuarve është 9.311 dhe 460 persona kanë humbur jetën.