Homeland nis me sezonin e pestë në Top Channel

“Homeland” një prej serialeve amerikane, më të spikatura të Top Channel do të rikthehet sërish në ekran me sezonin e pestë.

Duke filluar nga 5 Marsi, “Homeland 5” do të transmetohet çdo ditë të Hënë.

Seriali televiziv i krijuar nga Howard Gordon dhe Alex Gansa i bazuar në serialin izrailian Hatufim (Prisoners of War krijuar nga Gideon Raff), në sezonin e pestë përmban 12 episode dhe është transmetuar për herë të parë në Shtetet e Bashkuara të Amerikës nga kanali kabllor Showtime nga data 4 Tetor deri më 20 Dhjetor.

 

Këtë sezon do të shohim në rolet kryesore Claire Danes, Rupert Friend, Sebastian Koch, Miranda Otto, Alexander Fehling, Sarah Sokolvic, F. Murray Abraham, Mandy Patinkin etj.

Në “Homeland 5”, Carrie nuk do të jetë më punonjës i CIA duke qenë tashmë pjesë e një organizate filantropike në Berlin. Ky sezon do të përfshijë shumë çështje aktuale për botën, si ISIS, Vladimir Putin, Bashar al-Asssad, tragjedia e Charlie Hebdo, Edward Snowden si dhe kriza e emigrantëve në Europë./IMA/

 

REKLAMA
loading...

KOMENTO

This site uses Akismet to reduce spam. Learn how your comment data is processed.