Disa javë më parë ju informuam ekskluzivisht se RadioTelevzioni Klan ka siguruar të drejtat e transmetimit për hit-serialin turk Icerde i quajtur ndryshe në shqip si “I infiltruari”, një nga prodhimet e fundit të gjigandit turk AyYapim si dhe ndër më të ndjekurit në Turqi, ku është ende në transmetim.
I kërkuar mjaft shumë nga shikuesit shqiptarë dhe jo vetëm seriali do të vijë, ndryshe nga çpritej në kanalin e dytë të RTV Klan, Klan Plus për të cilin ju kemi paralajmëruar vitin e kaluar se nuk do të ishte vetëm kanal ritransmetimi por edhe një kanal për të ndjekur premierat e serialeve.
İçerde një serial i kategorisë drama dhe aksion, flet për Sarp një student në akademinë e policisë i cili synon të bëhet një dedektiv. Familja e tij ka një të kaluar të errët. Babai i tij ishte pjesë e mafias dhe ka shkuar në burg kur Sarp ishte fëmijë. Umut, vëllai i tij në atë kohë 3 vjeç u rrëmbye. Duke mos ditur se ata janë vllezër, Sarp and dhe Umut tashmë e njohin njëri tjetrin nëpërmjet akademisë së policisë. Sarp përfundon në burg për shkak të një rrengu të bërë nga shefi i komisariatit të policisë Jusufi. Umut tashmë quhet Mert, duke mos mbajtur mënd asgjë nga fëmijëria e tij përpara rrëmbimit. Ai është pranë Xhelalit, bosit të mafias dhe vajzës së tij të adoptuar Melek, e cila në fund zbulon se Xhelali është në të vërtet babai i saj biologjik.
Me pjesëmarrjen e aktorëve më të mirënjohur turk ku në cast-t bëjnë pjesë:
- Çağatay Ulusoy – Sarp Yılmaz
- Aras Bulut İynemli – Mert Karadağ/Umut Yılmaz
- Çetin Tekindor – Celal Duman
- Mustafa Uğurlu – Yusuf Kaya
- Nihal Koldaş – Füsun Yılmaz
- Bensu Soral – Melek Yıldız
- Damla Colbay – Eylem
- Yıldıray Şahinler – Hasan
- Rıza Kocaoğlu- Davut
- Gözde Kansu – Yeşim Duman
- Mehmet Yılmaz Ak – Yaşar
Seriali pritet që të ketë një audiencë rekord duke parë eksperiencën e mëparëshme të Ezel apo Kuzey Guney, hit-seriale këto të transmetuara më parë në Televizionin Klan duke arritur shikueshmërinë e të gjitha grupmoshave. Icerde do të nis transmetimin e tij së shpejti në Klan Plus./imalbania.com
