Erdhi si një platformë me shumë premtime, oferta dhe me shumë bujë platforma Tring, dhe duhet pranuar që u bë disi një platformë e preferuar për tëleshikuesit në fillimet e veta, shumë mirë e thash besoj, “në fillimet e veta”, pasi më vonë nuk e di a kuptuan që ja hodhën i bënë për vete klientët apo ndryshoi diçka tjetër që ra si platformë. Detaje në fakt ka shumë por unë si një shikuese e rregullt e kanalit 3 Plus, po ju jap një vërtetim të asaj që po them dhe gjithmonë bazuar në fakte.
Ky kanal nga mëngjesi në darkë është i mbushur me shumë telenovela e seriale, por çfarë të ndjekim? Të ritrasmetuara njëherë, madje Karadayi apo Lugina e Ujqërve që jepen në Vizion Plus, jepen paralel, disa seri më pas…
Nejse blenë një herë disa telenovela latine në versionin DVD dhe duhet theksuar se patën shumë shikueshmëri, por do jetë një platform në krizë që nuk blen më prodhime të reja, përveç turkeve, që i bleu të plota “Dashuri dhe ndëshkim”, “Perandoria Osmane” dhe thonë së shpejti “Sezoni i qershive” që me thënë të drejtën nga disa sondazhe që kam kërkuar dhe janë bërë, nuk janë ndjekur fareee! Dua të kapem tek telenovelat latino-amerikane, lexova dikur tek IMA një postim shumë real, që me anë të këtyre telenovelave Tv-të tona fituan audiencë, por po i zëvëndësojnë me seriale turke tani , që në fakt janë bërë deri diku dhe monotone, Vizion Plus psh, që i zgjat deri në 700 seri. 3 Plus merr një shikueshmëri duke ritrasmetuar telenovela kështu zgjon nostalgji tek shikuesit dhe i shikon, por ama të jepet e njënjta telenovelë 2-3 herë brenda vitit! Vetëm për të mbushur pogramacionin, kjo tregon se nuk e marin këtë kanal seriozisht, tallen me publikun.
Ja prova e parë:
Telenovela Dashuri të Vërteta ka qenë në këtë kanal vitin e kaluar dhe ka mbaruar më 5 nëntor dhe nga 3 korriku jepet nga e hëna në të premte ora 21:15
Me të vërtetë ishte i nevojshëm rikthimi i kësaj telenovele? Aq më pak tani që jepet çdo ditë në Vizion Plus në orën 10 të mëngjesit?
Ok iku kjo:
Telenovela Mekat Fatal, ka mbaruar ne kanalin 3 Plus me 18 korrik 2014, mbas kesaj telenovele erdhi Dashuri dhe Tekila, ku mbas kesaj me 28 maj, kush erdhi serish thoni? Erdhi prap MEKAT FATAL. Çfarë duhet të mendojmë? A nuk kanë mundësi të blenë të tjera? Pse nuk japin prodhime që nuk i kanë trasmetuar asnjëherë në këtë kanal? Ka shumëëë!! Por përtojnë kjo është e gjitha, telenovelat Pasion i Rrëmbyer, Kujdes nga Engjëlli që sapo mbaruan në Vizion Plus, i gjeni në 3 Plus, kanë nga 240+ seri ok? Bashkë me Dashuri të Vërteta! Dhe një detaj tjetër, disa telenovela i japin pa zë… kjo nga mungesa e prfesionalizmit, ose ashtu siç thashë në fillim, nuk e marrin seriozisht punën.
Faleminderit IMA, dhe faleminderit Tring, çdo ditë po më ulet dëshira për t’ju ndjekur. Mbase rikthehem sërish kur të shoh se 3 Plus ka pësuar ndryshime!! Kur të shoh se është bërë pjesë e një reforme që ka ndryshuar me një programacion të mirëfilltë dhe se puna po merret seriozisht!
