Pak ditë më parë ju informuam se aktori shqiptar Erand Hoxha është bërë pjesë e produksionit Hollywood-ian, Fast and Furius 8. Kjo nuk është hera e parë që aktori shqiptar përfshihet në role të kinematografisë së huaj, por roli I tij I fundit mund te konsiderohet si nje nga më të rëndësishmit në karrierën e tij profesionale. Aktori i cili numëron disa role në kinemanë shqiptare dhe të huaj por edhe në produksione televizive ka vendosur të na zbulojë më shumë detaje rreth projekteve të tij në një interviste ekskluzive për InfoMedia Albania.
Cili është Erand Hoxha dhe si nisi karriera juaj si aktor?
Jam lindur në 5 dhjetor 1987 në Tiranë. Kam mbaruar studimet per juridik dhe kam punuar per disa vite si asistentë në një firmë ligjore. Karriera ime ka nisur në një mënyrë krejt rastësore kur duhej t’i coja makinën një mikut tim aktor në një sheshxhirimi. Aty u pikasa nga regjisori, që vuri re tiparet e mija prej djali të keq (qesh) për një rol në film. Nga ai moment jam këtu ku jam. Kam aplikuar në platformën e njohur IMDB pro në disa raste dhe në disa të tjera jam kërkuar nga producentët për të marrë pjesë në filmat e tyre.
Je bërë pjesë e cast-it të filmit Fast & Furious 8, si ndodhi dhe si u ndjetë të qenit pjesë e një suksesi të tillë?
Fast 8 ishte një nga aplikimet online që bëra në audicionin që zhvillohej në shkurt të këtij viti nga Gary Grey, regjisori i filmit. Në film interpretoj rolin e një turisti i cili është venë në ndjekje të personazheve kryesor të filmit. Ka qenë një përvojë e vecantë të xhiroje përkrah aktorëve të famshëm dhe të punoje me një staf hollywood-ian. Shpresoj që kinemaja shqiptare të arrijë në atë nivel produksioni (qesh).
A e sheh këtë si një katapultë për në Hollywood?
Të marrësh pjesë në një produksion të tillë, mendoj se është dicka e rendësishme në karrierën e një aktori. Tashmë kam filluar të marrë propozime nga produksione të huaja për t’u bërë pjesë e projekteve të tyre, edhe për role kryesore. Shpresoj që këto role të jenë katapulta e vërtetë për në Hollwood. Nuk mendoj se ka ndjenjë më të bukur se të jesh pjesë e këtyre produksioneve dhe të përfaqësosh vendin tënd.
Në cilat role e gjen veten më shumë dhe pse?
Zhanri im i preferuar është padyshim ai aksion, ku zakonisht interpretojnë personazhe pozitv dhe negativ. Unë gjithmonëe kam gjetur veten tek personazhe negative, kjo për shkak të tipareve të mija të prera për këto role.
Cilat janë planet e Erandit për të ardhmen?
Si përmënda edhe pak më parë, më janë ofruar disa role, të cilat po i marrë në konsideratë sepse për shkak të punës edhe kohën e kam të limituar. Aktualisht kam pranuar një rol në një produksion anglo-shqiptar, ndërsa përsa i takon planeve afatgjata kam ndërmend të nisë një specializim për aktor.
Ju faleminderit, suksese dhe mezi presim t’ju shohim në Fast & Furious 8.
Ju faleminderit juve, ishte kenaqësi.
