Amosfera festive në fundvit është nga periudhat më të bukura për të gjithë, veçanërisht për artdashësin, për të cilin ngjarjet artistiko-kulturore janë të larmishme. Megjithatë, Festivali i Këngës në RTSH mbetet një nga eventet më të rëndësishme kuturore në traditën e muzikë së lehtë shqiptare. Ditë më parë stafi organizator shpalli emrat zyrtar të këngëtarëve që garojnë këtë vit për çmimin e parë. Njëra prej tyre është edhe këngëtarja e re Nilsa Hysi, e cila vjen me këngën “Asaj” në natën e parë. Ajo njihet nga publiku si një nga zërat e The Voice of Albania ndërsa nuk e fsheh emocionin dhe përgjegjësinë për pjesëmarrjen në FiK në intervistën që kemi realizuar me të.
Nilsa përshëndetje, faleminderit që pranuat ftesën e IMA si e para këngëtare e Fest 54, me të cilën do të zhvillojmë një intervistë ekskluzive të fokusuar në këtë ngjarje.
Pëshëndetje kënaqësia është e imja.
Nilsën e kemi parë shpesh në televizion kohët e fundit, kryesisht në emisionet rinore, ndoshta kjo kategori ju mund t’ju njoh ndërsa një pjesë tjetër jo dhe aq mirë. A mund të prezantoheni?
Unë jam Nilsa. Aktiviteti im muzikor ka nisur që fëmijë. Nëna ime ka qenë ajo që e vuri re dëshiren time për të kënduar, e kështu më nxiti të marr pjesë në koncerte që zhvilloheshin në qytetin tim të lindjes. Mandej, duke u fokusuar më tepër në studimet e mija, u shkëputa për një kohë të gjatë nga kënga megjithëse jo shpirtërisht. Vazhdoja të këndoja nëpër ambjentet e shtëpisë. Për t’iu rikthyer pasionit tim, vendosa të konkuroj në The Voice of Albania, që për mua ka qenë një ekperiencë që me ka vlejtur.
The Voice of Albania, ishte talent show i parë ku publiku ju njohu nëpërmjet ekranit. Sa ia ka vlejtur pjesëmarrja në ketë format?
Sigurisht që shumë. Më ka hapur rrugë të cilat do kishin qenë të vështira për mua për tu eksploruar, për të mos thënë të pamundura. Përveç kësaj, kam mësuar shumë. Kam mësuar të punoj më tepër, kam mësuar të mos i frikësohem skenës.
Pas The Voice cili ishte vendi tjetër ku ju keni kënduar?
Kam interpretuar live akustik dhe elektronike në disa lokale, gjithashtu edhe në disa emisione televizive.
Këtë herë do të jeni një prej konkurentëve në festivalin e RTSH, për të cilin duhet një guxim i madh, sidomos për artistët e rinj. Cfarë do na servir Nilsa në këtë kompeticion?
Eshtë një përgjegjësi shumë e madhe për mua sepse skena e Festivalit të Këngës është e mbushur me artistë të mëdhenj. Duke qenë pjese e tij për mua është një nder. Së bashku me Tull Productions kemi vendosur të prezantojmë “Asaj”. Rreth këngës nuk mund të them asgjë tjetër përveç se mezi pres ta dëgjoni.
Megjithatë titulli i këngës është zbuluar tashmë, “Asaj” është një dedikim?
Në fakt, jo. Nuk i është dedikuar askujt. Teksti flet për një përçarje mes shoqesh.
Nen cilin autorsi vjen kenga?
Teksti është shkruar nga unë në bashkëpunimin e Tull Production, ndërsa muzika është një kompozim i midis dy djemve Briz Musaraj dhe Indri Topi.
Mendon se kënga do pritet mirë nga publiku duke patur parasysh edhe kontekstin e saj?
Besoj se po. Eshtë një temë që mund të prekë cilindo nga ne.
Eurovision, ky festival është ëndrra e secilit këngëtar po për ju?
Nuk mund të them që është një ëndërr. Ajo c’ka unë dua është shumë ndryshe se Eurovizioni.
A mendoni se kënga juaj është e duhura për të debutuar në skenën e tij?
Mua më pëlqen kënga ime, nuk e di si do e pres publiku apo juria, por di të them që ka këngëtarë shumë herë më të mëdhenj se une që e meritojnë skenën e Eurovizionit.
Nëse do ishit triumfuesja e ketij edicioni ju cilën gjuhë do të zgjidhnit për të na përfaqësuar Shqipen apo Anglishten?
Kam përshtypjen se asaj tingëllon shumë mirë në anglisht.
Si po ecin përgatitjet e festivalit? A keni berë prova deri tani?
Provat nuk kanë filluar ende por përgatitjet po.
Nilsa të falenderojmë dhe të urojmë suksese, te rinj që guxojnë i duhen vendit tonë.
Falemindeit ju, kënaqësia ishte e imja.
Ekskluzive IMA / Intervistoi J. Kasaj
