Të gjithë i njohim Devisin dhe Dorin. Ata janë një nga duot më të mira dhe më natyrale të Top Channel, jo vetëm para ekranit por kudo, në punë, kafe dhe xhiro. E ndërsa më parë vetëm një ditë të Diele në “Pa Limit”, tashmë të dy na shoqërojnë çdo ditë jave në ekran duke përcjellë problematikat dhe aktualitetin e sotëm të Shqipërisë. Por fillimisht ata kanë një mesazh për ju!
https://www.youtube.com/watch?v=O2EybrctjeM
Këtë rradhë ata janë vedosur nën shenjestrën e IMA për të qënë pjesë e rubrikës së intervistave. Ju premtojmë që nuk është aspak monotone se dhe vetë këta dy djemë nuk janë kurrë të mërzitshëm, lexojeni!
- Si e pritët kur morrët ofertën për drejtimin e Fiks Fare?
E kemi harruar fare sepse ka kaluar një vit tashmë. Por nuk ka qene ofertë, sepse e kemi fituar me audicion.
- Ka qënë një sfidë drejtimi i këtij emisioni?
Sigurisht është sfidë e përditshme. Sepse dhe vete Fiksi, është i lidhur me sfidat. Gjithë jeta jonë është një sfidë!
- Do t’ju shohim në ekran edhe sezonin e ardhshëm të Fiksit?
Prite të mbarojmë sezonin e tashëm se jemi në kulmin e tij, ti mbarojmë dhe zgjedhjet dhe flasim me qetësi e dashuri për sezonin e ri.
- Fakti që ju bëtë një puthje “partizane” në puntatën e parë që drejtuat, shkaktoi një debat të madh në web.
Po shkaktojë çfare te bejmë ne. Po pa merak se i kemi dhene provat qe dime te puthim mire dhe femrat.
- Po familjet tuaja si e pritën?
Ne që prej asaj dite nuk flasim më me familjet tona…
- Çfarë e dallon Dorin nga Devisi? Po Devisi nga Doriani?
Njëri e ka të shkurtër, tjetri e ka te gjatë. Njeri e ka të rëndë tjetri e ka të dobët. Flasim për gjatësin e për peshën mos të keqkuptohemi.
- Formati Televiziv që do të donit ta drejtonit vetëm për një natë?
Rubrikën e Motit. E kemi fiksim, njëri të bëjë jugun dhe tjetri veriun.
- Cila është moderatorja më seksi e ekranit sipas jush?
Jonida Shehu. Sepse na ka paguar për ta thënë.
- Si jeni njohur bashkë?
Në Facebook. Më bëri like, i bëra like pastaj folëm në messenger dhe më vonë pime kafe bashkë. Por jo jo. kemi që në akademi që njihemi.
- Çfarë urreni te njëri-tjetri?
Pothuajse gjithçka, ne rrimë bashke vetëm sepse me njeri-tjetrin marrim rrogën.
- Sa është koha më e madhe që keni qëndruar pa folur me njëri-tjetrin?
Dje në makinë qëndruam pa folur, gjatë momentit kur u hap semafori.
- Jeni zene ndonjëherë?
Jemi zënë njehërë keq fare në një darkë pasi Dori nuk ma kalojë kripën dhe unë si hakmarrje, i ngula pirunin.
- Shihni porno?
Shohim por vetem nëse është diçka artistike.
- Personi që “urreni” më tepër në Top Channel?
Alban Dudushi sepse ka makinë më të mirë se ne.
- Po ai që doni më shumë?
Babin dhe Mamin. Filip Çakulli dhe Denisa Haxhiaj , shefi dhe shefja jonë.
- Velinën brune apo bjonde?
Ato nuk duan njera – tjetren si t’i duam ne?! Bejmë shaka se të dyja janë shume të mira.
- Ushqimi i preferuar?
Byrek me gjize po s’pati me gjize bëje me spinaq.
- Devisin apo Dorin, kë gjuajnë më tepër femrat kur jeni bashkë?
Devin, se femrat vdesin ta ndajnë nga gruaja. Dorin e kapin direkt, nuk e gjuajnë.
Ata nuk janë bashkë gjithmonë normalisht, dhe ne kemi vendosur t’i ndajmë edhe në një pjesë të dytë interviste tepër të shkurtër 🙂
- Hera e fundit që ke qarë?
Devi: Kur humbi Juventusi.
Dori: Kur doli Damiano nga Big Brother.
- Pengu më I madh në jetë?
Devi: Që s’u bëra gjinekolog.
Dori: Që nuk morra njeherë peng Devin.
- Si është për ty familja ideale?
Devi: Une e kam familjen ideale!
Dori: Ideale për mua ishte të kisha familjen e Devit.
- Muzika dhe Artisti I preferuar?
Devi & Dori: Si nga femrat si nga meshkujt nje eshte Alban Skenderaj
- Fobia më e madhe që ke?
Devi: Të hash fasule ne verë.
Dori: Mos të behem baba rastësisht.
