Nisma digjitale e Apple e ID është duke filluar. E shpallur si iniciativë në Qershor gjatë Konferencës Vjetore të Zhvilluesëve, kjo risi do të mundësojë që njerzit të shtojnë në Apple Wallet, patentën e shoferit ose kartën e identifikimit që më pas mund të përodret në iPhone si një mjet zyrtar për identifikimin digjital.
Në muajt e ardhshëm,ID-ja dixhitale e Apple do të pranohet në pikat e kontrollit në aeroportet në Arizona dhe Gjeorgji, Connecticut, Lowa, Kentucky, Maryland, Oklahoma dhe Utah në Shtetet e Bashkuara.
Apple po promovon ID-në e saj dixhitale si një risi dhe si një mundësi për më tepër privatësi por gjithashtu dhe si një opsion për ruajtjen gjithmonë në mënyrë të sigurt të dokumentave të rëndësishme.
Kartat do të skanohen përmes kamerës së aparatit celular dhe më pas do të dërgohen për verifikim në strukturat përkatëse shtetërore për t’u verfikuar. Pasi të miratohet, një version dixhital i patentës së shoferit ose ID-së do të shfaqet në aplikacionin Wallet.
Apple thotë se vërtetimi biometrik përmes Face ID ose Touch ID do të sigurojë që vetëm personi që krijoi ID mund ta shikojë ose ta prezantojë atë. Nuk mund të arrihet vetëm me një kodkalim të pajisjes – përveç nëse keni aktivizuar veçoritë e aksesit.
ID-të dixhitale të Apple dhe patentat e shoferit do të mbërrijnë në iOS 15 kur kompania ta lancojë këtë vjeshtë, por shtetet do të përcaktojnë nëse dhe kur do të jenë qytetarët në gjendje t’i përdorin ato.
