Alban Musa një prej ish-moderatorëve të Top Channel ku u shfaq për 2 sezone në formatin e paradites “Në Shtëpinë Tonë” krah Anjeza Majës, mbrëmjen e sotme i ka befasuar të gjithë me një status në profilin e tij në Facebook.
Sipas moderatorit, që sëfundmi ka nisur një format të ngjashëm me atë që drejtonte më parë, në Report TV me Erjona Rusin, personi i tij është i padëshiruar në Top Channel.
Musa thotë se ka marrë një ftesë për të qenë i pranishëm në një emision, por më pas ftesa i është anulluar nga stafi i televizionit kombëtar:“Sot mora vesh qe qenkam shpallur person “non grata” nga TCH, sepse jam konkurent direkt me nje nga programet e tyre. Se keta edhe te ftojne ne emisionet e tyre dhe ti per respekt te prezantuesit dhe jo deshires me thene te drejten pranon, organizon diten, dhe pak ore para zhvillimit te emisionit detyrojne gazetaret te te anullojne ftesen.“- shprehet moderatori.
Në fund, moderatori e ka mbyllur vendosur dhe diskutuar audiencën e shumëpërfolur të Top Channel:“…une nuk jam me konkurent, jam fitues, dhe kete e thote publiku. Ju vazhdoni vegjetoni.”-përfundon ai./IMA/