Autoriteti i Mediave Audiovizive (AMA) para pak ditësh në një mbledhje të bordit drejtues, i kryesuar nga kryetari Gentian Sala i ka dhëne në shkelje flagrante të ligjit shoqërisë ADTN, licensën kombëtare private për transmetime audiovizive.
Vendimi është marrë me shumicë të thjeshtë, 4 pro e tre kundër, duke cenuar rëndë ligjin për mediat audiovizive të vitit 2013. Në nenin 19 ai përcakton qartë, se kjo licencë jepet vetëm me shumicë të cilësuar, pra me 5 vota.
Por kush është kompania ADTN tashmë operator kombëtar në shqipëri?
Albanian Digital Television Network e njohur ndryshe shkurt si ADTN quhet operatori televiziv i cili sipas ekstraktit të QKR rezulton të jetë regjistruar në datën 29 Shtator 2016, vetëm pak ditë përpara shpalljes së garës për dy licensat e reja kombëtare.
Lexo edhe: Skandal me licensën televizive kombëtare
Me objekt ndertimin, tregetimin, e sistemeve dhe rrjeteve te telekomunikacioneve, pra në formën e një platforme ajo rezulton se është pjesë e Top Media Group, pjesë këtu Top Channel, Digitalb dhe SuperSport.
Ndryshe nga çishte folur, kompania nuk është vetëm nën drejtimin e Dritan Shakohoxhës. Sipas ekstrakit që QKR ofron, rezulton se kompania ka si administrator Andi Cenko, dhe si aksioner të vetëm kompaninë Digitalb që gëzon aksionet 100%.
Anëtarë të këshillit mbikqyrës rradhiten Dritan Shakohoxha, Agim Poçari dhe Arjan Shkëmbi.
Aktualisht, në të dhënat e kontaktit të kompanisë shihe dy hoste të ndryshme të website-t zyrtar www.adtn.al i cili nuk është aktiv, dhe www.adtn.tv i cili të ridrejton në faqen web të Digitalb.
Ndërkohë dhënia e licensës kombëtare për këtë kompani mund të rishqyrtohet sërish për shkak të kontraditave me ligjin për mediat./www.imalbania.com/
