Edhe pse audienca shpesh nuk është në nivelet e kënaqshme nga pritshmëria, Top Channel mbetet televizioni më i madh në Shqipëri përsa i përket transmetimit të reklamave.
Sipas raportit të AMA për muajin Prill 2018, rezulton se televizioni kombëtar Top Channel ka shfaqur 5896 reklama në sasi dhe 197255 sekonda në total. E llogaritur ndryshe 54 orë transmetim. Kjo sjell rrjedhimisht të ardhura më të larta për këtë televizion, i cili edhe pse në një luftë për vëmëndjen e audiencës me TV Klan, mbetet ekrani me të ardhurat më të larta të gjeneruara nga marketingu.
Televizioni Klan renditet i dyti në rankim, ku ka shfaqur për publikun 5079 reklama të shfaqura në një hapsirë prej 51 orësh e 29 minutash.
Një diferencë e vogël shihet mes “Klan” dhe Vizion Plus. Ky i fundit është në vendin e tretë me 51 orë e 26 minuta reklama, ku në total ka shfaqur 5023 reklama.
I fundit nga lista shihet Televizioni Shqiptar, i cili është gjithashtu i financuar edhe nga taksa e radiotelevizionit nga qytetarët shqiptarë. Në kanalin kryesor të tij, RTSH 1, enti publik ka shfaqur 1093 reklama për 9 orë e 48 minuta./IMAlbania.com/
