Merrni xhaketat tuaja të neonit dhe vendosni kapelet mbrapsht sepse familja Banks do të rikthehet përsëri në ekran.
Për nder të përvjetorit të 30 të shfaqjes, më 10 shtator, kasti i “Fresh Prince of Bel-Air” do të ribashkohet për një seri të veçantë që do të transmetohet në HBO Max, rreth Ditës së Falenderimeve, pra gjatë fundit të muajit nëntor.
Sipas the Hollywood Reporter, kompania e Will Smith, “Westbrook Media”, do të merret me prodhimin që sigurisht, do të ketë Smith si protagonist dhe shumë nga aktorët origjinalë të kastit të sitcom-it.
Tatyana Ali (Ashley Banks), Karyn Parsons (Hilary Banks), Joseph Marcell (Geoffrey), Daphne Maxwell Reid (Vivian Banks), Alfonso Ribeiro (Carlton Banks) dhe DJ Jazzy Jeff (Jazz) do të bashkohen në ekran.
Ndërkohët, edhe planet për rifillimin e Bel-Air si serial janë ende të vlefshme. Përsa i përket shfaqjes speciale me rastin e përvjetorit, dihet se do të ketë muzikë, vallëzim dhe disa të ftuar surprizë.
Burimi: Pop Sugar
