Kanye West dhe Balenciaga së bashku për një projekt të ri. Reperi dhe Demna Gvasalia, drejtore kreative e markës, po bashkëpunojnë për të krijuar një koleksion ekskluziv për Gap.
Yeezy Gap Engineered by Balenciaga, cfarë dimë
Projekti quhet Yeezy Gap Engineered by Balenciaga, dhe lansimi është planifikuar për në qershor 2022. Një bashkëpunim që bashkon Yeezy, markën e themeluar nga reperi që prodhon këpucë dhe aksesorë të shitur rregullisht, markën luksoze Balenciaga dhe Gap, gjiganti amerikan të veshjeve. Në vitin 2020, Kanye West nënshkroi një marrëveshje me Balenciaga për të lançuar disa artikuj, por të markës Yeezy Gap, të cilat menjëherë u shitën. Tani sipërmarrësi ka zgjedhur të ndihmohet nga mikja e tij dhe drejtoresha kreative e markës Demna Gvasalia (e cila ka zgjedhur të quhet vetëm Demna). Kanye West, i cili ndryshoi emrin e tij në Ye vjeshtën e kaluar, shpeshherë vesh Balenciaga. Jo vetëm kaq: Demna Gvasalia krijoi si merchandising (bluza, xhup dhe kapele bejsbolli) ashtu edhe skenografinë e festës të Dondës. “Është një ëndërr e realizuar të punosh me Gap dhe Demna, për të bërë një produkt të jashtëzakonshëm të aksesueshëm për të gjithë në çdo kohë”, komentoi reperi dhe ish-bashkëshorti i Kim Kardashian për Vogue. Linja do të bashkojë “një farë minimalizmi urban dhe një poezi të caktuar në estetikën tonë, si dhe një dëshirë për të shtyrë kufijtë”, specifikoi Gvasalia. “Ka shumë pak njerëz që njoh, veçanërisht njerëz si Ye, që e kuptojnë punën time aq mirë.”
Gap raportoi se është “një projekt i veçantë, në të cilin këndvështrimi i pashembullt i Ye takon stilistin më me ndikim të brezit të tij, Demna, për të sjellë kreativitetin dhe dizajnin utilitar në plan të parë për të gjithë”.