Disa ditë më parë Graniti tha se ka një lidhje të lënë pezull jashtë shtëpisë së “Big Brother VIP Albania”. Teksa bisedoi me Fifin ai tha se kishte bashkëjetuar me një vajzë, por aktualisht kishin një marrëdhënie të komplikuar. Ai është shprehur se do të dëshironte shumë që personin në fjalë ta takonte sa më shpejt.
Ndërkohë, së fundmi ai ka folur për njohjen dhe gjjthë dashurinë e përjetuar me (ish)partneren e tij.
“Kisha një histori me shoqen e saj, por rastësisht e njoha dhe sa e pashë ndjeva fluturat në stomak. Lidhja që pata me shoqen e saj ma vështirësoi situatën”,- tha ai.
Më pas ish-futbollisti shtoi se pas shumë përpjekjeve ata arritën që të vendosnin urat e komunikimit dhe më pas edhe të dashurisë.
“Insistova shumë se në fillim ajo nuk donte, por patën kontakte më vonë. Bashkëjetuam dhe kemi qenë gjithë kohës”, – tregoi ai.
Sipas Granitit , koha e kaluar së tepërmi në shoqërinë e njëri-tjetrit u kthye më arsyen e ndarjes së tyre.