Blogerja shqiptare Klea Prenga ka ndarë për herë të parë disa fotografi në rrjetet sociale që tregojnë gjendjen e saj pas sulmit të dhunshëm të pësuar nga motrat Antonela dhe Mariela Berisha në një restorant në Tiranë, mbrëmjen e 6 gushtit. Në fotot e postuara, Klea duket se është duke u rikuperuar, megjithëse shenjat e dhunës janë ende të dukshme.
Ngjarja e rëndë, e cila përfshinte thyerjen e një shisheje qelqi në fytyrën e Kleas, ka tronditur opinionin publik. Ndërkohë, motrat Berisha janë shpallur në kërkim nga Policia e Tiranës, por deri më tani, sipas burimeve zyrtare, ato nuk janë larguar nga vendi. Policia ka sekuestruar dy automjete që motrat përdornin natën e ngjarjes dhe po vijojnë hetimet për gjetjen e tyre.
Në një postim në rrjetet sociale, Klea Prenga përshkruan momentet e tmerrshme të sulmit dhe shprehet e vendosur se kjo ngjarje nuk do të ndikojë negativisht në jetën dhe karrierën e saj. Ajo gjithashtu bën të ditur se regjistrimet e kamerave janë në dorën e policisë dhe se drejtësia do të triumfojë.
Ndërkohë, Antonela Berisha duket e pashqetësuar nga situata dhe vazhdon të promovojë aktivitetet e saj në rrjetet sociale. Dyshohet se shkaku i sherrit ishte një romancë e supozuar mes blogeres Klea Prenga dhe ish-partnerit të Mariela Berishës, biznesmenit Mir Pepa.
Ngjarja ka ngjallur reagime të shumta dhe pritet që hetimet të hedhin më shumë dritë mbi këtë sulm të rëndë që ka tronditur publikun shqiptar.
