Kokrrat, një sketch-comedy shqiptare premierë në T HD

by Niko Lako

2015/09/06

in Serial

Reading Time: 2 mins read

Sezoni i iri në kanalin T HD do të mirëpres edhe një produksion të ri. Bëhet fjalë për sketch-comedy me autor Bjordi Mezinin dhe Erion Bubullima, njëkohësisht edhe protagonistë sëbashku me Jetmir Pjetërnikaj në Kokrrat. Pasi u ofruar ekskluzivisht per abonentet e Popcorn, duke filluar nga 11 shtatori do të mund të ndiqni Premierë të gjitha episodet, çdo të premte ora 20.30.

Kokrrat është një sketch-comedy i cili tenton të vendos në pah stereotipe të caktuara, duke i ekzaltuar ato, dhe njëkohësisht duke i shkatërruar ato nëpërmjet situatave komike, paranoiake, absurde, të ekzagjeruara. Cdo episod zhvillohet rreth tre personazheve kryesor të cilët në pamje të parë përfaqësojne tre të rinj tipik në realitetin modern shqiptar.
Të përkëdhelur, ambicioze, narcizistë, cinik, në një mënyrë sipërfaqësore. Të tre përballen me situata dhe probleme të përditshme duke i jetuar ato me një buonsens fals, pas të cilit fshihet një nevojë e fortë për të sulmuar pikërisht këtë buonsens. Megjithëse janë pjesë e një kulture të caktuar urbane ata tentojnë të ironizojnë pikërisht këto elemente që përbëjnë këtë kulturë të ndërtuar me mite false, modele sjelljesh të krijuara nga mediat, teknologjinë e rrjeteve sociale dhe të gjitha vlerat që bëjnë një të ri shqiptar të jetë trendy.

I menduar si një serial metrazh të shkurtër #KOKRRAT nuk pretendon të ketë një vazhdimësi narrative, por të bazojë strukturën e vet tek situatat në të cilat vendosen personazhet. I ngjashëm me një “situation comedy” por i ndërtuar dhe konceptuar në një aspekt kinematografik më të përpunuar. Dialogjet në veçanti do të përbëhen nga një linguazh i shpejt, i thjesht, nga një slang i afërt me mënyrën e të folurit të të rinjëve, duke ju referuar shpesh herë citimeve dhe batutave që gjenden në imagjinarin kolektiv të përbërë nga elementët e kulturës pop në Shqipëri.

Për të përforcuar këtë aspekt është menduar që në çdo episod të shfaqet në rolin e vetvetes një personazh publik kryesisht nga fusha artistiko-kulturore-mediatike. Këto personazhe do të shfaqen, jo në aspektin e imazhit mediatik të krijuar prej tyre, por në një situatë të jetës së përditëshme duke çmontuar qëllimisht imazhin publik.