Ndërsa e ardhmja mbetet ende e pasigurt, shërbimet SVOD në mbarë botën do të shohin një rritje me 5% të numrit të abonentëve deri në fund të vitit për shkak të pandemisë së koronavirusit, sipas raportit të “Strategy Analytics”.
Për shkak të ndryshimeve të fundit, ku njërzit janë duke qëndruar të mbyllur në shtëpi për shkak të COVID-19, kompania është detyruar të rishohi parashikimet. Tashmë është konkluduar se shërbimet SVOD do të kenë 949 milion përdorues me pagesë deri në fund të vitit 2020, një rritje prej 47 milion abonentësh për shkak të pandemisë që ka mbërthyer globin.
Raporti parashikon se abonimet me pagesë SVOD do të shohin rritje nga 621 milion abonentë midis 2019 dhe 2025, për të arritur në 1.43 bilion.
“Në një periudhë të afërt, koronavirusi do të rrisë pajtimet në SVOD, si dhe shikimin e këtyre shërbimeve, pasi numri i konsumatorëve që janë në karantinë dhe janë duke mbajtur distancim social është gjithënjë e në rritje,” tha Michael Goodman, Drejtor i TV dhe Strategjisë së Medias Strategjitë në “Strategy Analytics”.
“Në plan afatmesëm gjithçka ndikohet dhe nga zgjatja e pandemisë e cila mund të krijojë dhe probleme ekonomike. Abonentët do të duhet të mendohen se si do i shpenzojnë paratë e tyre, pasi shumica e bizneseve janë ulur dhe papunësia në këto ditë është rritur. Sado fantastike që Netflix, Amazon Prime Video, Disney+ apo dhe shërbimet e tjera SVDO mund të jenëm nuk janë shërbime esenciale.” shtoi ai.
Sipas parashikimeve Kina do të jetë tregu më i madh për shërbimet SVOD deri në 2025, me një projeksion 438 milion abonentë më shumë nga 131 milion në 2019. Shtetet e Bashkuara do të përfundojnë në vend të dytë me 342 milion përdorues më shumë se totali i 2019 prej 125 milion./IMA/
