“Krenari dhe Respekt” është një tjetër nga titujt ekskluziv që do të transmetohet nga 30 Mars në Kanal D- Drama, kanalin tematik të Tring dedikuar serialeve turk.

Subjekti:

Jiti, Emiri dhe dy prindërit e tyre janë një familje si shumë të tjera që vjen nga Ajvaliku në Stamboll, deri kur Hasani, kryefamiljari, i zhytur në borxhe për të menaxhuar dyqanin e vogël familjar dhe i zënë ngushtë në çarkun e mafies, vret veten. Kjo ngjarje tragjike i shtyn të dy vëllezërit që të marrin hak për vdekjen e babait të tyre, secili sipas mënyrës së vet. Ndërkohë që Jiti vepron sipas ligjit, Emiri shfrytëzon edhe mjete ilegale për t’ia arritur qëllimit dhe për të vënë në vend drejtësinë. Por, në rrugën e tyre ndeshin Sibelin, një vajzë që shndërrohet në “mollë sherri” dhe ndjell përçarje mes tyre.

Transmetimi i këtij seriali do jetë nga e hëna në të premte ora 17:00 në Kanal D.