Canon është vetëm kompania më e fundit nga kompanitë kryesore të IT-së që përjeton vonesa në prodhimin e gjysmëpërçuesve për pajisjet teknologjike.
Divizioni gjerman i kompanisë, një nga markat kryesore në sektorët e imazhit dhe printimit, tha se duhej të eliminonte çipat nga fishekët e disa modeleve të printerëve që duhet te dorëyoheshin drejt kompanive të ndryshme.
Megjithëse prodhuesit e smartphone-ve dhe kompjuterëve janë më të prekurit nga mungesa e çipeve, ka shumë segmente të tjera që preken nga disponueshmëria e ulët e komponentëve elektronikë.
Furnizuesit e fishekëve janë midis tyre. Si rregull, çipat e futur brenda mbushësve të printerëve nuk ndikojnë në cilësinë e vetë printimit, por përdoren për të certifikuar dhe vërtetuar një produkt origjinal. Dhe kjo është arsyeja pse, jo vetëm në printerët Canon, kur instaloni një fishek të pajtueshëm të palës së tretë, pothuajse gjithmonë merrni një paralajmërim se zëvendësimi është i papërshtatshëm. Për disa modele, përdorimi i një fisheku pa çipa është ekuivalent me pamundësinë për të printuar fare, për shkak të ndërhyrjes së një blloku software-sh që zbulon një falsifikim. Në rastin e Canon, thjesht pranoni njoftimet e shfaqura nga programi në përdorim, i cili paralajmëron praninë e një fisheku jo origjinal. Kompania nuk shpjegoi se kur do të duhet të prodhojë mbushje pa chip-a.
Mungesa e gjysmëpërçuesve ka shkaktuar tashmë një reduktim të inventarit të iPhone deri në vitin 2021. Disa kompani si Tsmc, një nga fabrikat më të mëdha të gjysmëpërçuesve në botë, kanë njoftuar investime të mëdha për të lehtësuar presionin mbi zinxhirët e furnizimit me chip-a në Azi, me hapjen e fabrikave edhe në Evropë.
