Një artikull I publikuar ditën e sotme në Lapsi.al, I cili fliste mbi formatin e kërcimit në ‘Dancing With The Stars’, ka bërë që të marri një reagim të fortë nga drejtori ekzekutiv I Vizion Plus, Turjan Hyska.
“Yjet që do të përballen në spektakël këtë vit, nuk kanë aq shkëlqim në botën ku bëjnë pjesë. Vezullimi i shfaqjes, atmosfera dhe energjia e domosdoshme për këtë program, duket e pamundur të arrihet, po të kemi parasysh edhe “gjetjen” e prezantuesve që pritet të debutojnë në versionin shqiptar të patentës së BBC.”– shkruan Lapsi.al ndër të tjera teksa nënvlerson edhe konkurentët e spektaklit
E ashpër ka qënë edhe kundërpërgjigja e Turjan Hyskës, drejtor ekzekutiv në Vizion Plus ku me anë të një postimi në profilin e tij në Facebook shkruan (e paredaktuar) :
Midis televizioneve ka gare,ka “lufte”,ka konkurrence qe shpesh eshte dhe e pandershme por gjithsesi e justifikueshme per aq kohe sa kerkoet audience.Deri me sot mediat jane kontrolluar qe goditjet e porositura poshte rripit te jene te limituara dhe me mase!Fatkeqesisht kohet e fundit ska me kufij vetem per hir te denigrimit te kundershtarit…Sot lexova nje artikull tek Lapsi.al ku cdo konkurrent I “Dancing With the stars 6” sulmohet shemtuar dhe me te padrejte duke u tentuar te beht nul karriera e sejcilit prej tyre. Kush eshte ky gazetar qe vendos shkelqimin e tyre,sa I do publiku apo sa do ndricojne ne te ardhmen?!Do doja te dija me cfare e mat shkelqimin e sejcilit,cilesine apo famen e cdokujt?!Prisni o derman te fillojne te kercejne pastaj beni qokat e rradhes…
P.s Meqe ra llafi Dancing kete vit ka nje super cast qe do beje namin…Dhe qe absolutisht jam I bindur do kete audience maksimale, cdo te enjte ne Vizion Plus!Asgje skeni pare akoma ndaj prisni sa te filloj , me qetesi dhe dashuri kuptohet!
Dancing With The Stars, do të startojë mbrëmjen e 15 Tetorit, ku pjesmarrës do të jenë emra të njohur për publikun shqiptar, ku disa prej tyre nuk janë vetëm pjesë e televizionit por edhe persona social siç është edhe Ambra Meda, vajza e cila luftoi me kancerin para disa kohësh, në të cilën doli fituese duke I dhënë kurajo edhe personave të tjerë me këtë sëmundje duke u bërë burim frymëzimi për personat që vuajnë nga kanceri.
IMA/ J.Kasaj