Gjatë verës përvëluese ju kemi informuar se ndryshime të mëdha do të vinin në programacionin e Top Channel. Dhe tashmë janë shumë pak para “Finish-it”. Pas largimit përfundimtar të Rudina Xhungës nga TCH dhe mbylljen e “Shqip”, ju kemi bërë të ditur se minutazhin e saj do ta zinte Ledion Liço por me një emision që nuk dihej ende se cilit zhanër do t’i përkiste.
InfoMedia Albania, ka arritur të zbulojë se së shpejti do të fillojë edhe emisioni i shumë përfolur i Ledionit. Ai do të jetë i zhanrit talk show i ngjashëm me atë të Ermal Mamaqit “7 Ditë pa Ermalin” që transmetohet në Digitalb, ku nuk do të mungojnë personazhe të ftuar, dhe argëtimet me publikun.
Ndërsa titulli i emisionit mbetet ende enigmë dhe për tu zbuluar së shpejti. Qëndroni me Info Media Albania!
