Ledjana Prenga nuk ka duruar më. Pak akuzave të njëpasnjëshme për një martesë në Belgjikë, konkurrentja ka vendosur të largohet nga “Për’puthen”. “Benzinë” zjarrit i ka hedhur debati i djeshëm me Melisën, pasi kjo e fundit e cilësoi Ledjanën si njeri fallso e që shtiret. Ajo i përmendi edhe lidhjen me një person në Belgjikë.
Pas përplasjes që për Ledjanën duket se mbushi “kupën”, ajo mori vendimin drastik, që sipas saj nuk ka lidhje me Mevlanin dhe ka bërë një paralajmërim të fortë.
Konkurrentja ka postuar në InstaStory-n e “LedjanaFitness” pasi llogarinë e vet personale e ka mbyllur, këto fjalë:
“Largimi im nga emisioni nuk ka të bëjë as me Mevlanin e as me faktin që ju kam gënjyer gjithë këto kohë. Jam akuzuar 2 herë në atë program për martese të rreme pa asnjë provë, ndaj kjo është një pabesi që më është bërë. Po ju them vetëm diçka , kushdo që vazhdon dhe më akuzon për burrin në Belgjikë dhe thotë kam bomba për Ledjanen, betohem në Zot se sot është dhe ditë e shenjtë se ka për ta paguar shtrenjtë”.
Po Mevlani ç’mendim ka për vendimin e Ledjanës? Kjo mbetet për t’u parë pasi ende nuk ka ardhur një reagim nga ai në rrjete sociale.