Lewis Hamilton kampion botëror në F1 ka mbetur pa kontratë

Bashkohuni me grupin tonë zyrtar në Facebook duke klikuar këtu!

Në Formula 1, 19 prej 20 vendeve që përbejnë kampionatin automobilistik janë tashmë të konfirmuar, Mungon formalisht vetëm një, ai më i pabesueshëm.

Britaniku Lewis Hamilton, që ka dominuar pothuajse të gjithë dekadën e fundit të këtij sporti, është zyrtarisht pa kontratë. Kontrata e tij me Mercedesin, e firmosur në korrik të vitit 2018, ka përfunduar më 1 janar, dhe ai zyrtarisht është një pilot i lirë të firmosë me cilindo.

Fansat e britanikut mund të marrin frymë. Hamilton jo vetëm që do të garojë sërish këtë vit në Formula 1, dhe kjo do të ndodhë sërish me “Shigetën e Argjentë”. Mungojnë ende pothuajse dy muaj nga rifillimi i garave, dhe kontrata midis tij dhe drejtuesit gjermanë të Mercedes do të firmoset.

Por patjetër fakti që kampioni britanik e ka lënë kontratën të skadojë, përbën një mesazh për ekipin kampion të botës. Sipas burimeve, piloti 36-vjeçar ka kërkuar një kontratë 4-vjeçare me vlerë totale 200 milionë dollarë, plus bonuse të tjera dhe një rol si njeri imazh i Mercedesit.

Kushte që janë refuzuar nga Mercedes, ashtu siç është refuzuar oferta pasuese e gjermanëve nga Hamilton.

Mbetet për t’u parë si do të shkojë, por një gjë është e sigurt, Hamilton edhe për sezonin e ardhshëm do luftojë për titull.