Teksa disa javë më parë u njoftua nga ana e FSHF që kompania OVERSPORT si pasojë e mos-marrëveshjeve kontraktuale, nuk do transmetonte më ligat shqiptare, “Abissnet Superiore”, Kategoria e Parë, Kupa & Superkupa e Shqipërisë, dukej se Digitalb kishte lobuar për ta marrë përsëri kampionatin.
Një suprizë mund të quhet fituesi i garës së tenderit të hapur pak javë më parë nga FSHF ku sërish Digitalb duket se e ka humbur sfidën për të krijuar paketën e plotë me ligat shqiptare.
FSHF ditën e sotme njoftoi se MCN Televizion do të jetë ajo që do të transmetojë kampionatet “Abissnet Superiore”, Kategoria e Parë, Kupa & Superkupa e Shqipërisë për tre vitet e ardhshme.
“Federata Shqiptare e Futbollit ka firmosur sot marrëveshjen me MCN TV, që do të transmetojë për tre vitet e ardhshme kampionatet “Abissnet Superiore”, Kategoria e Parë, si edhe të Kupën e Shqipërisë dhe Superkupën e Shqipërisë.
Sekretari i Përgjithshëm i FSHF-së, Ilir Shulku dhe Administratori i MCN TV, Endri Meksi kanë nënshkruar kontratën mes palëve për të drejtën televizive në ambientet e Shtëpisë së Futbollit.
Ky vendim u miratua nga Komiteti Ekzekutiv i Federatës Shqiptare të Futbollit, që shqyrtoi të gjitha ofertat e ardhura për të drejtën e transmetimit të këtyre kompeticioneve dhe vendosi të shpallë fituese ofertën e kompanisë MCN TV.” – shpehet FSHF në njoftimin për shtyp.
Burime të IMA shprehetn se në garën e FSHF kishin hyrë disa operatorë si Digitalb, Tring dhe TIBO por fituesi për të gjithë ka qënë suprizë.
Ndryshe nga vitet e kaluara i gjithë sinjali i eventeve sportive shqiptare do të prodhohet dhe shpërndahet nga vetë FSHF direkt për transmetim./IMA/