Të rrisësh dhe edukosh fëmijë është një nga gjërat më sfiduese. Këtu nuk e kemi fjalën vetëm për faktorët ekonomik, por edukimin në tërësi. E ndërsa shumica e prindërve bien dakort me ngritjen e zërit, apo dhënien e një ‘dacke’ një herë në ca kohë që fëmija të ketë më shumë kujdes kur e tepron me sjellje të caktuara, ka të tjerë që nuk i pranojnë. Kjo temë ka gjithmonë vend për diskutim, por shpesh herë një opinion nga psecialistë të fushës na bën të ndalojmë pak e të mendojmë pak më thellë për gjërat.
Lira Gjika ka shkruar sërish për prinderit, por këtë herë ka ndaluar tek një fjalë e vetme: PUSHO!
A duhet përdorur kjo fjalë?
“Pusho, pusho’, i drejtohen fëmijës, nëna, babai, gjyshërit deri te mësuesit në shkollë. Të gjithë këta të rritur, e përdorin këtë fjalë pa i shkuar në mënd se është një nga fjalët, që gjymton më shumë. Jo rastësisht në vendet e Europës veriore, fjala “pusho”, është e ndaluar me ligj, të përdoret në institucionet e edukimit, parashkollore dhe shkollore. Përdorimi i kësaj fjale, për fat të keq, tek ne, është shumë prezente në dialogun i rritur i parritur. Dhe sidomos, kur i rrituri ka humbur durimin dhe i kanë “hypur nervat”, pasi nuk po e mposht dot fëmijën. I rrituri, kur humbet durimin, përton të durojë apo të gjejë fjalën dhe mënyrën e duhur, deri sa fëmija të bindet, që të kryejë apo marrë komandën. Shkencëtarët thonë, se kur i rrituri i jep këtë urdhër fëmijës, truri i tij, fëmijës, stopon së menduari,. Ky stopim shkakton “tharje” në strukturat e brishta të njerëzores, që fëmija me shumë mundim, po ndërton. Kjo është arësyeja, që vëndet e zhvilluara e kanë ndaluar përdorimin e kësaj fjale në mjediset e edukimit”, ka shkruar Lira.
Sa shumë ndikim ka vetëm një fjalë dhe sa shumë gjurmë lë tek fëmija çdo gjë dëgjon nga njerëzit më të afërt për të. Me siguri shumë nga ju e kanë përdorur këtë fjalë, por a mendoni se do e nxirrni nga goja njësoj lirisht edhe tani?/
