3 vjet më parë në zyrat e Tring u ngjiz e iu bashkua me shumë sukses tregut të mediumeve shqiptare revista e parë dhe e vetme lifestyle “Living”, kanali me të njëjtin emër LIVING dhe faqja zyrtare e internetit që pasurohet cdo ditë. Sot vazhdojmë të punojmë me të njëjtin entuziazëm e dëshirë dhe me më shumë përgjegjësi sepse e kemi të rëndësishëm besimin dhe vlerësimin që na keni dhënë.
Gjithcka nisi si një sfidë me një ekip profesionistësh të cilët ishin të qartë për atë që do të servirnim. Një revistë që i mungonte tregut shqiptar dhe vendoste në qendër të vëmendjes një stil të bukur e të shëndetshëm jetese. Sot, më të rritur, festojmë daljen e 16- të të revistës Living!
Nga njëri numër në tjetrin kemi mësuar shumë edhe ne e jemi frymëzuar po aq sa edhe ju me personazhet që na kanë dhënë një këndvështrim të ri për jetën. Personazhe të njohur shqiptarë të cilët kanë ndarë me ne ashtu sic nuk e kishin bërë me asnjë media tjetër jetën e tyre të përditshme, na prezantuan me fëmijët, familjarët, shtëpinë, pasionet e tyre, etj nëpërmjet fotografive ekskluzive të kujdesura deri në imtësi.
Gajtë këtyre 3 viteve në faqet e revistës janë renditur jo pak por me qindra e mijëra këshilla për arredimin e shtëpisë, sugjerime bukurie, tendenca mode, receta të thjeshta e të shpejta, art craft, shëndet e mirëqënie, kopshtari, e të tjera. Gjëra të vogla të bëra me dashuri të madhe të cilat ndikojnë në cilësinë e jetës që vijnë pranë jush jo vetëm nëpërmjet revistës por edhe kanalit Living. Me një programacion të pasur që nuk synon vetëm të propozojë por tashmë është kthyer në një guidë të larmishme për ta bërë më të këndshëm ambientin ku jetoni, për tu ushqyer shëndetshëm, për tu kujdesur për veten e të shtrenjtët tuaj, për të ndjekur pasionet për tu këshilluar nga ekspertët e Institutit “Living”.
Sfida për t’u ardhur në ndihmë është stimuluese dhe na mbush me energji e dëshirë për të qenë aty kur ju pyesni, për tu dhënë një përgjigje edhe nëpërmjet faqes tonë të internetit. Urojmë që gjatë këtyre 3 viteve t’u kemi dhënë prekjen pozitve të një këndvështrimi të ri për jetën. Do të vazhdojmë ta bëjmë me të njëjtin përkushtim dhe dëshirë!
Faleminderit të gjithëve që na keni lexuar, na keni kuptuar, na keni zgjedhur! Vazhdoni të jetoni bukur, jetoni me LIVING!
Marre nga Living.al