2020 ka qenë një vit i suksesshëm profesionalisht për Loredanën, e cila jo vetëm që ka konsoliduar vendin e saj si një nga reperet më të mira në Gjermani, por është vlerësuar edhe me trofe të rëndësishëm. Suksesin e fundit reperja e ka arritur në “Spotify”-n gjerman, ku mesa duket Loredana është artistja më e dëgjuar e këtij viti e rrymës rap.
Statistikat tregojnë se artistja shqiptare ka lënë pas në këtë platformë të rëndësishme muzikore edhe emra të njohur të hip hop-it në Gjermani si Capital Bra, Samra, Juju e gjithë të tjerët. Ndërkohë projektet më të dëgjuara të Loredanës kanë qenë mes të tjerave “Kein Wort”, “HANA” dhe “Labyrinth”, të gjitha pjesë e albumit të saj të ri, me të cilin me shumë gjasë do ta mbyllë 2020-ën.
Po ashtu, në një tjetër postim në rrjetet sociale, Spotify e shpall Loredanën si “Artisten e vitit”, nisur nga fakti që ajo është më e dëgjuara nga publiku në Gjermani.
Reperja sigurisht duket shumë e lumtur për suksesin e saj dhe shkruan që i do të gjithë ata që e dëgjojnë. Ndërkohë, meqë gjithmonë jeni kuriozë, këto janë të rejat e fundit nga lidhja e saj me Mozzik. Shumë urime King Lori!
