Flitet se nuk do të jetë më pjesë e Top Channel, por mesa duket ndoshta nuk do të jetë kështu. Jemi shumë pranë sezonit të ri televiziv dhe Luana Vjollca, ende nuk ka zbuluar se ku do ta shohim këtë vit në ekran. Kureshtia më e madhe është ajo e fansave të saj që kanë nisur të pyesin se kur do të rikthehet në ekranin e Top Channel. Akoma mbetet enigmë nëse do të kemi një sezon të ri të emisionit të saj “Shiko Kush Luan” dhe mungesa e postimeve në ambientet e punës na bëjnë të dyshojmë se Luana vërtetë mund ta ketë lënë punën në Top. Megjithatë, ajo nuk ka konfirmuar ende asgjë zyrtarisht.
Ndërkohë që kurioziteti vazhdon e ndjekësit pyesin, është Luana ajo që ka drejtuar një pyetje për ta. “Pa hë, çfarë ka të re?”, shkruan ajo në foton e fundit në Instagram, e veshur me një kanatjere portokalli. Nuk janë të pakta komentet e ndjekësve, emoji që i përshtaten ngjyrës së veshjes së saj, zemra portokalli, madje edhe emoji i portokallit.
Mos ndoshta këtë sezon Luanën mund ta shohim ndryshe, jo më të shtunën, por të dielën. Kujtojmë që në tetor rikthehet Portokalli, e mbase këtë herë ajo do t’i bashkohet stafit të spektaklit të humorit, që sezonin e fundit është drejtuar nga Fjoralba Ponari dhe Salsano Rrapi. Por a do të pranojë Luana të jetë në një rol dytësor dhe jo më protagoniste dhe autore e një programi? Na mbetet vetëm të presim…