Lucifer, sezoni i 6 në rrezik për shkak të një mosmarrëveshje kontraktuale me Tom Ellis

Bashkohuni me grupin tonë zyrtar në Facebook duke klikuar këtu!

Edhe pse sezoni i pestë i Lucifer është shpallur si i fundit, ka shumë sinjale që flasin për mundësinë e një sezoni të gjashtë. Më së shumti kjo do të varet nga audienca e sezonit të pestit dhe nga rinegocimi i kontratës së Tom Ellis. Portali Tvline ka raportuar se sezoni 6 i Lucifer mund të mos realizohet për shkak të një mosmarrëveshje kontraktuale me protagonistin e serialit. Burime të shumta konfirmuan një ngërç në marrëveshjet midis Ellis dhe Warner Bros. Television, i cili nuk pranoi ofertën e fundit të studios.

Një nga burimet ka sqaruar më mirë konturet e asaj sa ka ndohur. Duket se Warner ka provuar disa herë të plotësojë kërkesat e aktorit, por pa sukses: “të gjithë duan ta shohin Tomin të lumtur, por ka një kufi çdo gjë”. Si Netflix dhe Warner nuk pranuan të komentojnë ngjarjen, siç bëri edhe zëdhënësi i Ellis.

Pas transmetimit për tre sezone në Fox, Lucifer u shpëtua nga Netflix në qershor të 2018, disa javë pas anulimit të tij. Në atë kohë, Ellis nuk e mori anulimin e serialit shumë mirë dhe më pas filloi një fushatë sociale me hashtagun #SaveLucifer. Një veprim që siç duket ka dhënë fryt.

Në pritje të asaj çfarë do të ndodhë, ju kujtojmë se sezoni i pestë i serialit do të përbëhet nga gjashtëmbëdhjetë episode: një numër i konsiderueshëm, duke marrë parasysh që e katërta ishte e pëbërë nga dhjetë. Sezoni do të arrijë në Netflix i ndarë në dy pjesë me tetë episode secila./IMAlbania.com