Drama e Luiz Ejllit mund të ketë arritur pikën kulminante sot, teksa e gjithë situata e tij me sëmundjen në shtëpinë e “BBV”, e nisur pak ditë më parë, nxiti njerëzit të dilnin në protesta para Top Channel gjatë paradites, por në Prime-n e mbrëmjes këngëtari bëri atë që duhet të kishte bërë që në fillim, pranoi se kishte gënjyer.
Kështu, në faj, Ejlli u shpreh se “kishte bërë një gomarllëk”, për arsye që tashmë dihen dhe kanë kryesisht të bëjnë me Kiara Titon, ndërsa po ashtu tha se këtë që bëri “nuk ja fal vetes, edhe nëse Kiara apo publiku vendosin ta falin”.
Sigurisht që fansat e tij, sidomos ata që u mblodhën sot, mund ta shohin këtë moment si skenar apo diçka “të sajuar”, kjo mund të vihet re edhe nga komentet, megjithatë Luizi duket se ka reflektuar dhe ka zgjedhur të jetë i sinqertë tani e tutje, sidomos në “misionin” e tij për të rifituar Kiarën.
