Pritjes po i vjen fundi! Luiz Ejlli është gati të rikthehet në ekran me një projekt të ri televiziv, ndërsa tashmë është publikuar edhe promoja e parë e programit që do të mbajë emrin “Live me Luizin”.
Televizioni ka publikuar spotin promovues duke zgjedhur një mesazh të shkurtër që shton edhe më shumë kuriozitetin: “Bëhuni gati…”.
Programi i ri do të transmetohet çdo të premte në mbrëmje, duke e vendosur Luizin në një prej fashave më të rëndësishme të programacionit televiziv.
Vetë Luiz Ejlli ka zbuluar më herët disa detaje rreth asaj që publiku duhet të presë. Ai e ka përshkruar projektin si një “Prime Night”, që do të vijë një herë në javë, por me synimin për të krijuar diskutim edhe gjatë ditëve në vazhdim.
“Do të transmetohet një herë në javë dhe njerëzit do ta shohin e do të flasin për të çdo ditë”, është shprehur Luizi teksa ka folur për konceptin e ri.
Publikimi i promos ka sjellë menjëherë reagime në rrjetet sociale. Fansat kanë shprehur entuziazëm për rikthimin e tij në televizion, ndërsa mes reagimeve që ka tërhequr vëmendje ka qenë edhe ai i bashkëshortes së tij, Kiara Tito.
Projekti shënon një tjetër kapitull të rëndësishëm televiziv për Luiz Ejllin, pas popullaritetit të jashtëzakonshëm që fitoi me pjesëmarrjen dhe fitoren në “Big Brother VIP Albania”.
Tashmë mbetet për t’u zbuluar formula e plotë e “Live me Luizin”, të ftuarit dhe surprizat që produksioni ka rezervuar për publikun.
Një gjë është e sigurt: me promon tashmë në transmetim, numërimi mbrapsht për rikthimin e Luiz Ejllit në ekran ka nisur.
