Edhe pse ka tre javë që ka filluar, edicioni i tretë i Masterchef Albania vazhdon të mbetet pa faqen zyrtare aktive në internet.
Mbrëmjen e djeshme u transmetua në Top Channel episodi i tretë i talent show-t të gatimit Masterchef Albania. Sfidat e kësaj radhe përcaktuan edhe 15 finalistët zyrtar të këtij edicioni që do të vazhdojnë garën për titullin e Masterchef.
Por ajo që bije në sy këtë vit, ndryshe nga dy vitet e tjera, është mungesa e pasqyrimit online të asaj çfarë po ndjekim në televizion, në faqen zyrtare të programit, e cila vazhdon të mbetet e pa përditësuar që nga shpallja e aplikimit. Po të vizitojme adresën e dedikuar (http://top-channel.tv/masterchef/) në website-in e Top Channel do të mund të shohim vetëm modulin e aplikimit.
Përdoruesit e internetit dhe publiku online nuk kanë mundësi të marrin asnjë informacion rreth konkurentëve apo të rejave rreth programit. I vetmi burim në rrjet mbetet faqja zyrtare në facebook. Një situatë e tillë, ku programet shqiptare kanë mungesë të theksuar prezence në internet eshte pothuajse normale ne te gjitha mediat shqiptare. Investimi i pakët në këtë drejtim tregon edhe njëherë se sa mbrapa jemi me vendet e tjera në fushen e medias, e cila gjithmonë e më shumë po i drejtohet botës së internetit dhe mundësive që ai ofron.
