Gushtin e kaluar, HBO Max kishte shtyrë edhe një herë xhirimet e ribashkimit të Friends për shkak të pandemisë. Vera ishte veçuar nga David Schwimmer dhe Presidenti i WarnerMedia Bob Greenblatt si koha e përkryer për t’u kthyer përfundimisht në Studion 24 legjendare të Warner Studios në Burbank, Kaliforni, për të xhiruar specialen. Por përfundimisht Warner iu desh t’i nënshtrohej situatës së shkaktuar nga koronavirus.
Por sot kemi një lajm të mirë, megjithëse të përkohshëm si gjithmonë: Matthew Perry ka zbuluar në Twitter se xhirimi i episodit special do të bëhet në Mars 2021. Pra, një vit më vonë nga sa ishte planifikuar fillimisht.
Friends reunion being rescheduled for the beginning of March. Looks like we have a busy year coming up. And that's the way I like it!
— matthew perry (@MatthewPerry) November 12, 2020
Të konfirmuar për ribashkimin janë të gjithë protagonistët e Friends. Pra, përveç Matthew Perry, edhe Jennifer Aniston, Lisa Kudrow, Courteney Cox, David Schwimmer dhe Matt LeBlanc.