Numri i të shëruarve nga COVID-19 në mbarë botën ka tejkaluar 33 milionë.
Faqja e internetit “Worldometer”, e cila përpilon të dhënat mbi pandeminë, njoftoi se gjithsej janò 33.002.635 persona në botë të shëruar pas infektimit me virusin.
Në të njëjtën kohë, 5 vendet e para me numrin më të lartë të rasteve në botë, janë gjithashtu edhe vendet ku janë shëruar më shumë persona.
Numri më i madh i të shëruarve është regjistruar në Indi (7.373.375), i ndjekur nga SHBA (5.983.345), Brazili (4.954.159), Rusia (1.186.041) dhe Kolumbia (950.348).
Ndërkaq, në Turqi, numri i të shëruarve ka arritur në 320.762.
Që nga shfaqja për herë të parë në Kinë dhjetorin e kaluar, koronavirusi është përhapur në mbarë botën, duke infektuar mbi 45,3 milionë njerëz dhe duke shkaktuar mbi 1 milion 186 mijë të vdekur.
