Janari i vitit 2024 ka shënuar një kthesë të rëndësishme në botën e spektakleve humoristike në Shqipëri. Pas disa vitesh transmetimi të suksesshëm, spektakli i njohur “Al Pazar”, i cili transmetohej në Vizion Plus, ka arritur në fundin e tij. Sipas burimeve të afërta me drejtuesit e televizionit, vendimi për të ndaluar transmetimin e këtij spektakli erdhi pasi shikueshmëria e tij kishte pësuar një rënie të ndjeshme në vitet e fundit.
Ky ndryshim ka sjellë një zhvillim të papritur por të këndshëm për adhuruesit e humorit: rikthimin e Agron Llakajt në spektaklin “Portokalli” të Top Channel. Kujtojmë se Llakaj është një ndër themeluesit e “Portokalli”, dhe rikthimi i tij mbrëmjen e Vitit të Ri shënoi një moment emocionues për shikuesit dhe fansat e tij. Ky rikthim simbolizon jo vetëm një kapitull të ri për Llakajn, por edhe një rritje të pritshme të cilësisë dhe shikueshmërisë së “Portokallisë”. Por a do të jetë ky një rikthim afatgjatë? Kjo është një pyetje që mbetet enigmë për momentin por që duket shpresëdhënëse pas vendimit që ka marrë Vizion Plus për mbylljen e AlPazar.
Ndërsa “Al Pazar” mbyll një kapitull të rëndësishëm në historinë e televizionit shqiptar, pritshmëritë janë të larta për atë që do të sjellë “Portokalli” ndoshta me rikthimin e një prej ikonave të saj. Fansat dhe kritikët janë të ngazëllyer të shohin se si do të ndryshojë dinamika e spektaklit me praninë e Llakajt, duke premtuar kështu shumë argëtim dhe humor në episodet e ardhshme.
Ndërsa është përfolur edhe ftesa e Llakajt për të qenë pjesë e Big Brother Vip që nis në datë 13 Janar në Top Channel.
