Me TV mund të argëtoheni dhe të informoheni, por edhe të studioni dhe të punoni. Për këtë Samsung ka zhvilluar Remote Access, e cila ju lejon të lidhni me wireless PC, tabletin, tastierën, laptopin dhe smartphone-in me Smart TV dhe të kontrolloni në distancë programet dhe aplikacionet kompatibël. Në këtë mënyrë mund të shfrytëzohet gjerësia e plotë e ekranit: një funksion i dobishëm, veçanërisht në këtë moment të veçantë, në të cilin është thelbësore për shumë njerëz të organizojnë një hapësirë kushtuar studimit ose punës në shtëpi, duke hyrë në pajisjet e tyre në distancë.
Funksioni Remote PC i Remote Access e shndërron shtëpinë në një zyrë të vërtetë, duke ju lejuar të maksimizoni produktivitetin në smart-working. Falë Remote PC është e mundur të lidheni në distancë me kompjuterin personal të zyrës tuaj, pavarësisht nëse jeni në një ndërtesë tjetër apo edhe në një qytet tjetër, për të hapur dhe modifikuar dokumentet tuaja të punës. Shërbimi cloud office i bazuar në browser web përmes Remote Access ju lejon të përdorni skedarë dhe të punoni në dokumente direkt nga Smart TV. Thjesht lidhni një mouse dhe tastierë dhe zyra është gati në shtpinë tuaj.
Shkolla
Me Cloud Docs shtëpia është klasa e re live në TV dhe Remote Access ofron një larmi të gjerë shërbimesh të bazuara në cloud. Për shembull, thjesht hyni në Office 365, të disponueshëm në Remote Access, për të dërguar dokumente, të punosh në grup për projekte ose për të paraqitur tezën tuaj në kohë reale. Përmes shfletuesit të uebit është gjithashtu e mundur të ndiqni kurse online dhe mësime të drejtpërdrejta në ekranin e TV-së, duke shmangur kështu humbjen edhe të detajeve më të vogla të shkruara në dërrasën e zezë.
Pasi të keni përmbushur të gjitha detyrat tuaja, ka ardhur koha që të qetësoheni, të relaksoheni duke shikuar video argëtuese ose duke luajtur lojëra tuaja të preferuara, gjithnjë në ekranin e madh, falë Screen Sharing. Lidhja nuk kërkon përdorimin e ndonjë kabllo, vetëm një lidhje Wi-Fi Direct i Remote Access për shkëmbimin e të dhënave midis TV dhe PC, telefonit ose tabletit. Të luash me Animal Crossing nga një smartphone (ose tablet) ose Doom Eternal në PC dhe ta shohësh në ekranin e TV do ta bëjë përvojën e lojërave edhe më tërheqëse dhe gjithëpërfshirëse.
Përveç kësaj, në sajë të Virtual Desktop Infrastructure (VDI) krijuar në partneritet me VMware Horizon, lider në inovacionin e software-ve për biznesin, Samsung Remote Access ofron një përvojë të lehtë dhe intuitive të përdoruesit.
Dhe në përfundim, për sa i përket sigurisë në shkëmbimin e të dhënave wireless dhe shërbimet e cloud, Samsung ka integruar teknologjinë e sigurisë Knox, të përditësuar vazhdimisht me firmware për të siguruar mbrojtje të vazhdueshme të të gjitha të dhënave të përdoruesit.
