Mediaset ka nënshkruar një marrëveshje me Eutelsat për blerjen e frekuencave satelitore për ofrimin në të ardhmen të kanaleve të reja tematike. Kjo marrëveshje vjen si përgjigje ndaj rivalit kryesor Sky Italia, i cili është prezent në tregun e digitalit tokësor ku Mediaset ofron paketën me pagesë Mediaset Premium por edhe për të paraprirë konkurentin e ri Netflix që pritet të ofroje shërbimet e tij në Itali nga tetori 2015.
Oferta satelitore e Mediaset do të fokusohet me siguri në ofrimin e Champions League për sezonin 2015-2018 dhe ndeshjeve të Serie A të skuadrave më të rëndësishme. Gjithashtu, mendohet se oferta mund të zgjerohet edhe me shtimin e kanaleve tematik me pagesë kushtuar kinemasë dhe serialeve televiziv falë marrëveshjes së nënshkruar dje me Warner Bros (deri në 2018) dhe NBC Universal, që garantojnë një paketë vërtetë të pasur me filma dhe seriale te suksesshëm.