Vëllezërit Veshaj do të vazhdojnë misionin e tyre që të gjithë të flasin çfarë kanë për të thënë!
Emisioni “Më lër të flas” rikthehet me sezonin e dytë duke filluar nga data 1 tetor në ekranin e Top Channel. Edhe pse shumë menduan se formati këtë sezon do të mungonte duke pasur parasysh prurjet që pritet të vijnë këtë sezon në ekranin e Top Channel dyshja do të vazhdojë të na mbajë mbërthyer para televizorit me të ftuarit e tyre special dhe lojërat që janë pjesë e argëtuese e formatit që mban firmën e aktorëve të humorit.
Emisioni i parë do të ketë dy të ftuar që pritet të shoqërojnë mbrëmjet tona përgjatë tetorit me një nga super produksionet e këtij viti, Dancing With The Stars Albania. Kryetari I jurisë, balerini Kledi Kadiu, i cili do të zbulojë më shumë rreth këtij spektakli por dhe do të rrëfej fillimet e tij në televizionin italian.
Por ajo që mbetet qershia mbi tortë është prezantuesja Bora Zemani e cila vjen për herë të parë përkrah partnerit të saj Donaldit pas rikthimit që publikua aq shumë po e priste. Një emision që nuk duhet humbur!
