Meridian Ramçaj ishte dje i ftuar në Top Albania Radio në emisionin “Pardon My French” të moderuar nga Jonida Aliçkolli dhe Kejvin Kalo. Përveçse ka folur për ish- konkurrentë dhe konkurrentë të “Për’puthen”, ish-opinionisti ka reaguar edhe për përplasjen me Arjan Konomin.
“Arjan Konomit i kam lënë zotin. Më gjeni një koment apo një status në Instagramin tim ku unë e kam ofenduar. Nuk e kam bërë asnjëherë, ta fyej apo ta ofendoj,” është shprehur ai.
Ndërkohë, javën e kaluar ishte Arjan Konomi në po të njëjtin program dhe tha se Meridiani po shkel normat e respektit duke e shfrytëzuar këtë gjë për një imazh dhe për të bërë pak emër në ato ‘medemek’ portale. Konomi shtoi se në këtë rast, i vjen keq që ka zbuluar gjëra të programit të puntatave para se ato të trasmetohen.
“Për’puthen Prime” e nisi trasmetimin me dy opinionistë shtesë përveç Arjan Konomit, me Meridianin dhe Fatma Haxhialiu.
