Televizioni kombëtar Top Channel ka rifituar një prej emrave të njohur të gazetarisë. Sipas News Bomb, pasi la vendin e kryeredaktores së programit “Boom” në Ora News, gazetarja Mimoza Picari do t’i bashkohet programit Fiks Fare, ku do të jetë kryeredaktore.
Mimoza rikthehet në këtë televizion pas disa vitesh. Ajo ka qenë një nga emrat më të rëndësishëm të Agon Channel dhe më pas ka punuar në Ora News.
Rikthimi i Picarit, me një përvojë të jashtëzakonshme në media, është sigurisht një arritje për Fiks Fare.
Sipas News Bomb, ish-kryeredaktorja e Boom është larguar me mirëkuptim nga ky program, ku ia ka lënë vendin Fiori Dardhës. Nga bashkëpunëtore, ato do të jenë tashmë konkurrente në dy ekrane të ndryshme, edhe pse programet kanë orare të ndryshme transmetimi.
