Ditën e sotme është transmetuar takimi mes Sarës dhe Andit, i cili është pritur shumë keq nga Jasmina. Kjo e fundit ka dalë më herët në takim me Andin teksa janë puthur dy herë në studio. Jasmina u shpreh se ka parë mungesë respekti dhe nuk ka hezituar që të reagojë me tone të larta ndaj Andit.
Ajo tha se Sarën e ka afruar, kanë dalë bashkë edhe jashtë emisionit, e se madje ajo i kishte thënë se shkon me Andin.
“ Unë jam treguar shumë e afër me Sarën dhe është mungesë respekti. Sara është personi që unë e kam afruar që kur është futur në emision. Dhe në momentin që unë i jepem dikujt, më vret shumë mungesa e respektit. Nuk më pëlqejnë këto lojëra. E mësoi përmendësh para emisionit këtë. Më thoshte mua ju të dy shkoni shumë bashkë, unë dal me të jashtë emisionit dhe kjo nuk më respekton?”
Më pas ajo bëri disa ofendime edhe më të rënda duke i quajtur të dy “kokëboshë”, por pasi Andi tha se u ofendua nga kjo gjë, Jasmina kërkoi falje. Ndërsa, lidhur me raportin me Sarën, duket se çdo gjë mori fund.
“S’kam ardhur për të bërë shoqe këtu!”- me këtë fjali me mbylli Jasmina.
Andi dhe Jasmina kanë qenë në qendër të vëmendjes javën e fundit. Kjo pasi dyshja ka shkëmbyer dy puthje gjatë “Për’puthen Prime”. Madje, të dilën e kaluar, Andi i kishte blerë Jasminës edhe një dhuratë. Mirëpo, për hir të së vërtetës asnjëri prej tyre nuk ka pranuar se ka ndjenja për tjetrin, përveç tërheqjes fizike.
Ftohja mes tyre nis që pas takimit të Jasminës me Erlinidn, ku këta dy të fundit u shfaqën shumë të afërt me njëri-tjetrin. Këto skena nuk i kanë pëlqyer aspak Andit, i cili tha se u zhgënjye nga ato që pa.
