Miss Shqipëria 2019 nis rrugëtimin

Burimi: Facebook/Miss Shqiperia

Shtegtimi i garës 21-të mbarëkombëtare të bukurisë, Miss Shqipëria 2019 vazhdon në monumentet dhe qendrat historike të trashëgimisë kulturore shqiptare. Këtë vit finalja e madhe do të mbahet në 5-6 korrik në kalanë e Libohovës, duke simuluar promovimin turistik të gjithë qyteteve të jugut, Sarandës, Përmetit, Gjirokastrës dhe gjithë objektet turistike rreth këtyre zonave.

Lajmotivi i kësaj gare është jo vetëm bukuria e vajzës shqiptare, por të bashkojë bukurinë e njeriut me bukurinë e monumenteve: “Një miss, një kala, një histori, një kurorë”. Që prej tri ditësh në Kompleksin “Vatra” pranë konvikteve të Inxhinierisë së Ndërtimit në Tiranë po zhvillohen audicionet e këtij viti, ku përveç vajzave që kanë lindur e jetojnë në Shqipëri kanë mbërritur shumë konkurrente nga diaspora, si; Italia, Greqia, Anglia, Gjermania etj, vajza që janë kureshtare të njohin historinë e vendit të tyre përmes kësaj gare bukurie.

Pas Tiranës, bukuroshet do të zhvendosen në jug të vendit, për herë të parë në Kalanë e Libohovës, ku Alba Bajrami, mbretëresha e bukurisë e shpallur në kalanë e Toptanasve në 2018, do t’ia dorëzojë kurorën një prej 31 bukurosheve konkurrente të këtij viti.

REKLAMA
loading...

KOMENTO

This site uses Akismet to reduce spam. Learn how your comment data is processed.