Murati dhe Ola kanë vendosur të dalin bashkë nga “Për’puthen”, për të vijuar jashtë njohjen.
Ata kanë hedhur pas çdo keqkuptim dhe tashmë do fokusohen te njëri-tjetri.
Ola bëri me dije se ditën e djeshme jashtë kamerave ka vizituar Muratin në punë dhe ka takuar hallën e tij dhe ortaken e shumëpërfolur. Konkurrentja u shpreh se mori shumë siguri nga halla e tij dhe tashmë s’ka asnjë dyshim.
Madje, ata treguan se pas 1 qershorit do bashkëjetojnë.
Murati ka ftuar Olën që të jetojë bashkë me të në shtëpinë e re që do marrë muajin e ardhshëm. Kështu, hapi i radhës për ta është udhëtimi për në Turqi, ku do takojnë prindërit e Muratit.
Pak ditë më parë qarkulloi me shpejtësi lajmi se Murati i “Për’puthen” është i lidhur me vajzën që Ola shprehu dyshime në emision.
Madje, lajmet shkonin edhe më tej, pasi u tha se ai do të bëhet baba së shpejti.
Më pas, konkurrenti foli rreth këtyre lajmeve duke treguar se nuk janë të vërteta. Ai i mohoi ato kategorikisht, duke thënë se vajza në fjalë është vetëm ortakja e tij dhe mes tyre nuk ka asgjë më shumë. Madje, shtoi se edhe ajo është shumë e shqetësuar rreth lajmeve që po qarkullojnë.
