Duke filluar nga 11 maj, përdoruesit e Instagramit kanë mundësi të vendosin përemrat me të cilat duan të identifikohen në profilin e tyre. Ky azhornim do të bëhet gradualisht në të gjitha llogaritë.
Ju mund të zgjidhni nga një larmi opsionesh: ai/ajo, ata/ato, ze/zir (për gjini neutrale) etj. Sipas Bustle, ka 11 grupe të ndryshme përemrash dhe mund të shtohen deri në 4 përemra për çdo profil.
Pse bëhet kjo?
Ky opsion i ri është krijuar në mënyrë që “njerëzit që vijnë në profilin tuaj të dinë si t’ju referohen”. Instagram thotë se mund t’i hiqni dhe ndryshoni në çdo kohë. Shumë njerëz trans, jo binarë dhe queer mendojnë se është e rëndësishme për të gjithë, pavarësisht gjinisë, të vendosin përemrat e tyre në nënshkrime të email ose bio-s të rrjeteve sociale.
Si realizohet?
Opsioni mund të përdoret duke shkuar tek “Edit Profile” në faqen kryesore të profilit – Prekni ikonën e rrethi në këndin e poshtëm të majtë të ekranit. Këtu do të gjeni seksionin e ri të përemrave, që mund ta redaktoni. Nëse s’ju është bërë ende ndryshimi, azhornoni aplikacionin dhe prisni pak kohë.