Pas largimit nga “Gjoni Black” disa muaj më parë, Meriton Mjekiqi është rikthyer sonte me formatin e tij që la gjurmë në hip-hopin shqiptar, sigurisht me disa ndryshime. I vetëm, me strukturë të riformatuar ai vjen mes tjerash edhe në një ambient të ri çdo të dielë.
I ftuari i parë i programit të Meritonit ishte Ledri i cili përveç freestyle-ve që po bëhen viralë në rrjetet sociale, në intervistë foli gjerë e gjatë për shumë detaje të karrierës dhe jetës personale.
Një moment që ka fituar vëmendje ishte ai i Meritonit që falenderoi Xheraldinën, nënën e Ledrit dhe RTV 21 për “largimin nga puna”. Kujtojmë se Xheraldina e njohur si Xheri e “Rtv 21”, është ndër gazetaret më të dashura që prej vitesh ka krijuar imazhin e saj në këtë ekran televiziv, pjesë e të cilit ka qenë edhe Meritoni kohë më parë.
“Nuk ke qenë për aty” – u shpreh Ledri duke e kaluar situatën me sportivitet teksa Meritoni pati edhe një “falenderim tjetër” për pagën 165 euroshe. “Po bëj shaka” – tha në fund Meritoni i cili si duket sonte të ftuar kishte Ledrin por bëri kryefjalë Xheraldinën.
