Zëdhënësja e Partisë Demokratike, Floriana Garo ka shprehur hapur ambiciet e saj në politikë.
E ftuar në “Jo vetëm modë”, Garo u shpreh se nuk e kishte imagjinuar veten e saj në listat e kandidatëve për deputetë të Partisë Demokratike, teksa tha se ajo që di të bëjë më mirë është dhënia e mesazheve, pra zëdhënësja e kësaj partie.
Megjithatë Garo shtoi se në të ardhmen nuk i dihet asnjëherë, ambicje ka, por që sipas saj, ndodh edhe që ambiciet të mos arrihen.
“Nuk kisha menduar një pozicion nëpër lista, por e kisha menduar se mund të ishte një mënyrë kontributi. Në një mënyrë tjetër kontributi mund të jetë dhe në forma të tjera. Por unë mendoj se kjo formë mua më përshtatet më se unë jam e zonja në dhënien e mesazheve. Ky është fillim, unë kam ardhur për ta provuar dhe për të dhënë një kontribut siguisht. Tani varet se sa do të zgjas, si do të ndihem unë gjatë kësaj kohe. Por sigurisht që kam ambiciet e mia. Por ndonjëherë jo të gjitha ambiciet arrihen,”- tha Garo.
