Na ndajnë edhe 3 ditë nga mbrëmja e ndërrimit të viteve dhe shumë prej programeve speciale të kanaleve kryesore tashmë janë bërë të ditura për teleshikuesin kjo falë edhe informacioneve që kemi publikuar në faqen tonë. Por përveç kanaleve kryesore edhe disa prej kanaleve digitale kanë realizuar formate të veçanta për të mirëpritur ndërrimin e viteve. Kështu kanali T Plus i Digitalb këtë vit ka rezervuar për teleshikuesit një program festiv me titullin “Në Shtepinë tonë” nën drejtimin e personazhit të dashur Ermal Mamaqi dhe bukuroshes së Digital Jonida Vokshi.
Humor dhe një ambient shtëpie do të na bejnë të ndihemi si të ftuarit e mbrëmjes përkrah të ftuarëve special si Armina Mevlani, Pirro Cako, Olta Gixhari, Robert Aliaj, Elhajda Dani, Olen Cezari, Petrula Spiro, Ylber Bardhi, Frederik Ndoci që do të na bëjnë të kalojmë çaste argëtimi dhe familjare përballë ekranit.
Takimi është të mërkurën, në kanalin T Plus, ora 19:00.
